कोण आहेस तु...?

मध्यानीच्या वेळी अखंड तळपणारा भास्कर आहेस तू
कि रात्रीच्या शांत नीश्चल वेळी साद घालणारा भालचंद्र आहेस तू
कोण आहेस तू..?

सतत सलत राहणारा निवडूंग आहेस तू
कि हवा हवासा वाटणारा गुलाब स्पर्श आहेस तू

पावसाआधी येणारी वा-याची झुळुक आहेस तू
कि नंतर येणारा ओल्या मातीचा गंध आहेस तू
कोण आहेस तू..?

पावसाची वाट पाहणारा चातक आहेस तू
कि मनमोहक नृत्य करणारा मोर आहेस तू

वास्तवाचा मखमली स्पर्श आहेस तू
कि स्वप्नांचा अविट अर्थ आहेस तू
कोण आहेस तू..?